Bíll varð alelda á gatnamótum Bústaðavegar og Litlu-Hlíðar í gærkvöldi, skammt frá slökkvistöðinni í Skógarhlíð. Er bíllinn gjörónýtur.

Myndskeið má sjá neðst í fréttinni.

Á vef RÚV segir að bílstjórinn hafi stöðvað á rauðu ljósi og þá hafi eldur fljótlega kviknað undir vélarhlífinni. Fyrstur á vettvang var leigubílstjóri sem beið ekki boðana og lét strax til sín taka á vettvangi. Reif hann upp hurðina hjá bílstjóranum og gerði honum grein fyrir að hann væri í lífshættu. Samkvæmt heimildum DV er þetta í þriðja sinn sem leigubílstjórinn er fyrstur á vettvang þegar eldur hefur logað í ökutæki.

Í eitt skipti slökkti hann sjálfur eldinn áður en slökkvilið mætti á vettvang og notaði til þess malt og appelsín sem hann hafði skömmu áður keypt í verslun.

Eins og sést á myndum hefði getað farið illa en enginn slasaðist.

Hér fyrir neðan má sjá myndskeið sem tekið var upp skömmu eftir að eldur varð laus undir vélarhlífinni: