Sigurður Mikael Jónsson, blaðamaður hjá Fréttablaðinu, segir mörgum spurningum ósvarað 10 árum eftir furðulegt atvik er tengdist búsáhaldarbyggingunni árið 2009. Hann vekur athygli á málinu á Twitter þar sem hann segir málið hafa sótt að sér í áratug. Í janúar 2009 starfaði Mikael hjá DV og vísar hann í færslu sinni til fréttar sem hann skrifaði líklega undir fyrirsögninni Mótmælendur með saur. Í fréttinni segir:
„Lögreglan hafði afskipti af tveimur mótmælendum við Stjórnarráðið í gær þar sem þeir voru með tvo plastpoka smekkfulla af mannasaur. Lagði lögreglan hald á pokana en er talið líklegt að mennirnir hafi ætlað sér að henda pokunum með hinu ógeðfellda innihaldi í bygginguna.“
Mikael segir fréttina hafa ásótt hann allar götur frá því hún var rituð og enn daginn í dag skilji hann ekkert.
„Hvernig? Hvernig vaknaði þessi hugmynd? Hvernig báru þeir sig að? Hversu lengi voru þeir að safna í tvo fulla plastpoka? Var um að ræða framlag frá fleirum en þeim? Hvað ætluðu þeir að gera?“
Líklega skrifaði ég hana, ég man það bara ekki. En. Hvernig? Hvernig vaknaði þessi hugmynd? Hvernig báru þeir sig að? Hversu lengi voru þeir að safna í tvo fulla plastpoka? Var um að ræða framlag frá fleirum en þeim? Hvað ætluðu þeir að gera?
— S. Mikael Jónsson (@S_Mikael_J) January 22, 2019
Þennan dag, fyrir áratug, hafði lögreglan afskipti af tveimur mótmælendum við Stjórnarráðið.
Mótmælendum með tvo plastpoka smekkfulla af meintum mannaskít. pic.twitter.com/23OIGkjxuQ— S. Mikael Jónsson (@S_Mikael_J) January 22, 2019