Níu ára drengur blindaðist og er með varanlega sjónskertur á báðum augum eftir að hann beindi leysigeisla í eigin augu. Um var að ræða grænan leysigeisla sem móðir hans keypti í leikfangaverslun.
Emma Carson, frá Essex á Englandi, keypti leysigeislan fyrir son sinn, Archie, til að hann gæti notað hann til að leika við köttinn sinn. Í samtali við breska fjölmiðla segir Emma að hún hafi ítrekað varað Archie við að beina geislanum aldrei í augun á sér eða öðrum.
Hann lét sér ekki segjast og blindaðist. Hann getur ekki lesið, farið yfir götu eða spilað íþróttir. Læknar telja skemmdirnar varanlegar, skemmdirnar á auganu eru öllu meiri hægra megin þar sem Archie byrjaði að horfa á geislann.
„Ég hefði aldrei, aldrei, aldrei dottið í hug að eitthvað sem maður keypti í leikfangabúð geti verið svona hættulegt. Og það er ennþá verið að selja þetta,“ segir Emma í samtali við breska dagblaðið Metro. „Þetta breytir lífi hans. Ég þarf að standa mjög nálægt honum til að hann sjái andlitið mitt.“
Fjölskyldan hyggst fara í mál við framleiðandann og söluaðilann, en svo sterkir geislar eru ekki heimilaðir til almennrar sölu.