Santi Cazorla yfirgaf lið Arsenal í sumar eftir erfið tvö ár þar sem hann spilaði lítið vegna meiðsla.

Cazorla er nú búinn að jafna sig og hefur byrjað fyrstu þrjá deildarleiki Villarreal á Spáni á tímabilinu.

Cazorla segir að það hafi ekki verið möguleiki að vera áfram hjá Arsenal en honum var ekki boðinn nýr samningur.

,,Nei, þeir vildu ekki halda mér. Þeir voru mjög vinalegir og heiðarlegir. Ég vildi gera það sama hjá Arsenal og ég hef gert hjá Villarreal,” sagði Cazorla.

,,Ég vissi það að sama hvaða lið myndi fá mig, að þeir þyrftu að sjá mig fyrst. Það er enginn sem bara gefur þér samning.”

,,Ég leyfði þeim að sjá mig á undirbúningstímabilinu og taka ákvörðun. Þeir gátu ekki beðið lengur.”