Roy Moore, fyrrverandi frambjóðandi Replúblikanaflokksins til Bandaríkjaþings, hefur stefnt grínleikarann Sacha Baron Cohen fyrir að hafa valdið sér tilfinningalegum skaða ásamt fjárhagslegu tjóni vegna viðtals sem var tekið við hann.

Viðtalið var sýnt í nýjum þætti, Who Is America, en þar bregður Cohen sér í gervi allskonar einstaklinga og tekur viðtöl við umdeilt fólk, til dæmis grjótharða stuðningsmenn Donalds Trump Bandaríkjaforseta.

Í umræddu viðtali þykist Cohen að vera ísraelskur öryggissérfræðingur sem er að kynna nýjustu tækni frá Ísrael. Meðal uppfinninga sem á að hafa verið framleiddar er svokallaður barnaníðinga-skanni og fór hann í gang þegar hann var notaður á Roy Moore. Cohen reynir að afsaka sig en viðtalið endar þannig að Moore gengur út.

Moore hefur sem fyrr segir stefnt Cohen og Showtime, sem framleiðir þættina, og krefst hann þess að fá greidda 95 milljónir Bandaríkjadala, rúma tíu milljarða króna. Segir lögfræðingur Moore að skjólstæðingur sinn hafi beðið álitshnekki með viðtalinu.

Hér að neðan má sjá viðtalið umtalaða: