Gamanleikarinn Bill Cosby var í dag dæmdur í þriggja til tíu ára fangelsi fyrir kynferðisafbrot gegn þremur konum.

Cosby var lengi vel einn vinsælasti gamanleikari Bandaríkjanna, var hann frægastur fyrir leik sinn sem Cliff Huxtable í The Cosby Show-þáttunum sem voru sýndir á níunda og tíunda áratugnum. Fréttir af kynferðisglæpum Cosby fóru að berast út árið 2014 og í kjölfarið hefur á sjötta tug kvenna stigið fram og sakað hann um kynferðisofbeldi og óviðeigandi hegðun.

Cosby var fundinn sekur um brot gegn þremur konum í apríl síðastliðnum, byrlaði hann þeim ólyfjan og nauðgaði þeim, í dag var svo kveðinn upp endanlegur dómur og þarf hann að sitja bak við lás og slá í minnst þrjú ár en mest í tíu ár. Verður hann einnig skráður kynferðisglæpamaður það sem eftir lifir ævinnar, en hann er 81 árs gamall.