Valur Lýðsson, bóndi að bænum Gýgjarhóli II, var í dag dæmdur í 7 ára fangelsi fyrir að hafa hafa banað bróður sínum, Ragnari. Var hann einnig dæmdur til að greiða börnum Ragnars þrjár milljónir króna í miskabætur hvert.
Dómurinn var kveðinn upp kl. 14 í Héraðsdómi Suðurlands og hefur ekki verið birtur á vef dómsstóla. RÚV greinir frá því að hann hafi verið dæmdur fyrir líkamsárás sem dró bróður hans til dauða.
Valur sagðist ekkert muna eftir atburðinum vegna ölvunar en neitaði að hafa banað bróður sínum af ásetningi.
Sjá einnig: Valur segist ekki muna eftir dauða bróður síns
Saksóknari fór fram á 16 ára fangelsi en verjandi fór fram á sýknu eða dóm fyrir líkamsárás til vara.