Ungur karlmaður, Magnús Jónsson, hefur verið dæmdur í tveggja mánaða skilorðsbundið fangelsi fyrir brot gegn valdstjórninni.
Hann var dæmdur fyrir að hafa aðfaranótt laugardagsins 1. júlí 2017 við N1 hjólbarða-, smur- og bílaþjónustu í Hafnarfirði bitið lögreglumann í handarbakið. Hann var enn fremur dæmdur fyrir að hafa hótað þeim lögreglumanni sem og öðrum lífláti.
Magnús játaði brot sitt skýlaust og sagðist iðrast brotsins. Að eigin sögn var hann ofurölvi og muni ekkert eftir atvikinu. Auk fyrrnefnds skilorðsbundins fangelsisdóms þá þarf hann að greiða 43.900 krónur í sakarkostnað.