Þjófarnir tveir sem brutust inn í hjálpartækjaverslunina Adam og Evu síðastliðinn föstudag og höfðu á brott með sér kynlífsdúkku og hjálpartæki, eru enn ófundnir. Kynlífsdúkkan, sem ber nafnið Kittý er hins vegar fundin ásamt hluta af ránsfengnum. Þetta kemur fram á Vísi.
DV greindi frá málinu síðastliðinn föstudag en hið óvenjulega rán átti sér stað klukkan 5.30 að morgni föstudags við hjálpartækjabúð Adam & Evu á Kleppsvegi.
Meðfylgjandi myndskeið úr öryggismyndavél, sýnir tvo einstaklinga, sem virðast vera ungar stúlkur koma aðdvífandi litlum fólksbíl, af gerðinni Hyundai i10, og bakkka þrisvar sinnum í gegnum útidyrahurð verslunarinnar. Þegar leiðin er greið stökkva ræningjarnir út úr bílnum ,hlaupa inn í verslunina og hafa meðal annars á brott með sér umrædda kynlífsdúkku.
DV birti myndskeið með fréttinni og vakti það mikla athygli. Líkt og sjá má þá á annar ræninginn í talsverðum erfiðleikum með að koma dúkkunni fyrir í aftursæti bifreiðarinnar. Það hefst að lokum og síðan bruna ræningjarnir út í nóttina.
Kynlífsdúkkan,sem ber hið virðulega heiti Kittý er metin á um 350 þúsund og er tjónið alls metið á um eina og hálfa milljón.
Í samtali við Morgunblaðið síðastliðinn sunnudag sagðist Jón Karl Þórisson aðstoðaryfirlögregluþjónn telja að málið myndi leysast og hann væri bjartsýnn á að lögreglu tækist að góma þjófana.
Fram kemur á vef Vísis að bíllinn sem notaður var í ráninu hafi fundist á bílastæði við Glæsibæ seinnipart föstudags. Hafði hluti af ránsfengum verið skilinn eftir í bílnum, þar á meðal kynlífsdúkkan Kittý.
Samkvæmt lögreglu var umræddum bíl stolið þann 17.september síðastliðinn og var búið að skrúfa á hann stolnar númeraplötur. Enginn hefur verið yfirheyrður vegna málsins.
Af upptöku úr öryggismyndavél má ráða að þjófarnir séu kvenkyns en það er þó ekki talið fullvíst. Guðmundur Páll Jónsson, lögreglufulltrúi á höfuðborgarsvæðinu segir í samtali við Vísi að verið sé að skoða þann möguleika.
„Við erum að skoða það. Það má vel vera að einhver hafi verið með hárkollu.“