Rétt fyrir klukkan sjö í gærkvöldi barst lögreglu tilkynning um að eldur logaði við bílskúr í austurbænum. Þegar lögregla kom á vettvang kom í ljós að upptökin mátti rekja til þess að karlmaður hugðist steikja sér mat. Við matseldina notaði maðurinn eldfiman vökva.
Í skeyti lögreglu segir að sprenging hafi átt sér stað og eldur læst sig í fötum og hári mannsins.
Ekki er vitað frekar um meiðsl mannsins en hann var fluttur með sjúkrabifreið á Slysadeild.
