fbpx
Mánudagur 18.febrúar 2019
Fréttir

Opið hús hjá Hróknum á laugardag – Ljósmyndir og teikningar grænlenskra barna til sýnis

Óðinn Svan Óðinsson
Föstudaginn 21. september 2018 09:14

Ekki missa af Helstu tíðindum dagsins í pósthólfið þitt

Lesa nánar

Hrókurinn býður öllum vinum og velunnurum í Pakkhús Hróksins, Geirsgötu 11 við Reykjavíkurhöfn, á laugardaginn klukkan 14-16. Þar verður haldið áfram að fagna 20 ára afmæli félagsins, með sérstakri áherslu á nýafstaðna hátíð í Kullorsuaq á Grænlandi, 1060 km. norðan við heimskautsbaug. Leiðangursmenn sýna ljósmyndir úr ferðinni, og teikningar barnanna í Kullorsuaq, sem tóku þátt í listsmiðju Hróksins og Pennans.

„Liðsmenn Hróksins þakka innilega hlýhug og góðar kveðjur í tilefni afmælisins, og vonast til að sem flestir leggi leið sína í Pakkhús Hróksins á laugardag,“ segir í tilkynningu frá Hróknum. 

Kullorsuaq, sem þýðir ,,stóri þumall“, fagnar í ár 90 ára afmæli, og markaði heimsókn Hróksins hápunkt hátíðarhalda í tilefni afmælisins. Íbúar eru um 450, og flykktust bæjarbúar á öllum aldri á hátíðina. Máni Hrafnsson leiðangursstjóri kenndi öllum börnum bæjarins mannganginn, Joey Chan stóð fyrir listsmiðju, og sirkuslistamennirnir Axel Diego og Roberto Magro kenndu sirkuslistir. Í hátíðarlok var efnt til sirkussýningar með börnum bæjarins, viðurkenningar veittar í listsmiðjunni, og skákfélag og skákskóli sett á laggirnar.

Hrókurinn er jafnframt að hefja söfnun jólagjafa fyrir börn á Grænlandi, ásamt Kalak, vinafélagi Íslands og Grænlands, og tekur fagnandi við gjöfum fyrir börn og ungmenni, 18 ára og yngri. Óskað er eftir nýjum fatnaði, leikföngum eða nytsamlegum og góðum gjöfum.

Þá verður afmælishlutaveltu Hróksins formlega hleypt af stokkunum, en verðlaun eru m.a. glæsileg listaverk eftir Huldu Hákon, Tolla, Mireyu Samper, Daníel Magnússon, Valgarð Bragason og Erlu Þórarinsdóttur, auk gjafabréfa frá Air Iceland Connect, Norðurflugi, Þjóðleikhúsinu og fjöldi bókavinninga.

Teikningar barnanna í Kullorsuaq

 

Kullorsuaq, þýðir ,,stóri þumall“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Myndband: Bátur varð vélarvana í dag og rak stjórnlaust

Myndband: Bátur varð vélarvana í dag og rak stjórnlaust
Fréttir
Í gær

Sædís og Samúel sátu fyrir níðingi dóttur sinnar

Sædís og Samúel sátu fyrir níðingi dóttur sinnar
Fréttir
Fyrir 3 dögum

Slagsmál brutust út á leik ÍR og Stjörnunnar: Stuðningsmenn létu hnefahögg dynja hver á öðrum

Slagsmál brutust út á leik ÍR og Stjörnunnar: Stuðningsmenn létu hnefahögg dynja hver á öðrum
Fréttir
Fyrir 3 dögum

Hannes fékk dularfullt símtal: Sagðist búa í Reykjavík – Þessu verður þú að gæta þín á!

Hannes fékk dularfullt símtal: Sagðist búa í Reykjavík – Þessu verður þú að gæta þín á!