fbpx
Fréttir

Nýtti peninginn til að fara í frí til Íslands – Fékk 3 milljónir í bætur en þarf að greiða helming til baka

Auður Ösp
Fimmtudaginn 20. september 2018 14:00

Stephen Hall. Ljósmynd/DEvonLive

Enskur karlmaður sem fékk dæmdar bætur frá ríkinu vegna vinnuslyss í fangelsi hefur nú verið gert að greiða helming upphæðarinnar til baka. Hann hafði þá þegar eytt dágóðum hluta af peningunum og fór meðal annars í afslöppunarfrí til Íslands.

Árið 2010 hlaut Stephen Hall fjögurra ára fangelsisdóm eftir að hafa verið gripinn með 3 kíló af kannabisefnum sem hann hugðist selja. Þá var hann einnig sakfelldur fyrir fjölda annarra fíkniefnabrota.

Dómurinn áætlaði að hann hefði grætt rúmlega þrjár milljónir íslenskra króna á fíkniefnaviðskiptum sínum. Var honum gert að greiða þá upphæð til ríkissjóðs en hann átti þá aðeins tæpar 100 krónur íslenskar inni á bankareikning.

Stephen sat inni helming refsitímans. Síðar meir fékk hann greiddar 3,1 milljón íslenskra króna í bætur frá ríkinu vegna vinnslyss sem hann varð fyrir í fangelsinu.

Nú á dögunum komst dómur að þeirri niðurstöðu að réttast væri að endurheimta bæturnar sem Stephen fékk greiddar enda námu bæturnar sömu upphæð og honum hafði verið gert að greiða til ríkissjóðs fyrir tæpum áratug.

Þegar bankareikingar Stephen voru skoðaðir kom í ljós að hann var þegar búin að eyða helmingnum af upphæðinni en peningana notaði hann til að fara í frí til Amsterdam og til Íslands.

Ljósmynd: DV/Hanna

Stephen hélt því fram fyrir dómi að hann væri á kúpunni og þyrfti að reiða sig á örorkubætur til að draga fram lífið

Kvaðst hann þurfa á peningunum að halda til að greiða fyrir sálfræðiþjónustu þar sem hann væri illa haldin af áfallastreituröskun vegna atburða sem áttu sér stað í æsku. Þá hélt hann því fram að vinir hans hefðu greitt fyrir hann ferðakostnaðinn til Hollands og Íslands.

Dómari hlustaði ekki á þau rök og skipaði Stephen að borga helming upphæðarinnar til baka ella sitja inni í 6 mánuði.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 22 klukkutímum

Fékk 50 þúsund greiddar fyrir þrjú störf hjá Reykjavíkurborg: „Mér var sagt að þau höfðu gleymt sér“

Fékk 50 þúsund greiddar fyrir þrjú störf hjá Reykjavíkurborg: „Mér var sagt að þau höfðu gleymt sér“
Fréttir
Fyrir 23 klukkutímum

Segir hóp kvenna hafa rænt #metoo byltingunni: „Getur verið að þessar konur séu með mölbrotna sjálfsmynd og laskaða?“

Segir hóp kvenna hafa rænt #metoo byltingunni: „Getur verið að þessar konur séu með mölbrotna sjálfsmynd og laskaða?“
Fréttir
Fyrir 2 dögum

Martröð hjóna á Akureyri: Heimilislaus og múlbundin eftir uppsögn

Martröð hjóna á Akureyri: Heimilislaus og múlbundin eftir uppsögn
Fréttir
Fyrir 2 dögum

Hólmfríður þjáist af lítt þekktum sjúkdómi: „Líkaminn fer gjörsamlega í panikk“

Hólmfríður þjáist af lítt þekktum sjúkdómi: „Líkaminn fer gjörsamlega í panikk“