Tugir einstaklinga sitja nú uppi með fjártjón eftir málningarverktaki í Keflavík sprautaði óvart olíumálningu yfir tugi bifreiða. Umræddur verktaki starfaði án þess að hafa tryggingar sem bæta tjónið.
Þetta kemur fram á vef Víkurfrétta. Verktakinn var að mála þak á hárri byggingu við Túngötu í Keflavík og notaðist við hvíta olíumálningu. Notaðist hann við málningarsprautu en sama tíma og hann vann verkið var stíf norðanátt.
Fram kemur að málningin hafi dreifst yfir stórt svæði í lögregluskýrslu segir að alls hafi 41 bifreið orðið fyrir málningarúða. Grunur leikur á enn fleiri bílar hafi orðið fyrir tjóni þar sem sumir eigendanna leituðu beint til tryggingafélags án þess að tilkynna tjónið til lögreglu.
Sem fyrr segir var verktakinn ekki tryggður fyrir tjóninu og þurfa bíleigendurnir því sjálfir að standa straum af kostnaðinum sem fylgir því að massa lakk bílanna.