fbpx
Fréttir

Seldi sendiherrabústaðinn í New York á 470 milljónir til að spara – Hefur greitt 160 milljónir í leigu síðan

Kristján Kristjánsson
Þriðjudaginn 18. september 2018 07:00

Frá New York.

Í kjölfar fjármálakreppunnar 2008 ákvað utanríkisráðuneytið að selja sendiherrabústaðinn í New York til að mæta niðurskurði og reyna að finna hagkvæmara húsnæði og fá mismun sem færi beint í ríkissjóð. Húsið var selt á 470 milljónir en enn hefur nýr sendiherrabústaður ekki verið keyptur. Ráðuneytið hefur leigt bústað fyrir sendiherrann síðan og í fyrra voru 1,8 milljónir greiddar í leigu á mánuði.

Fréttablaðið skýrir frá þessu í dag. Fram kemur að frá 2009 hafi utanríkisráðuneytið greitt 160 milljónir í leigu fyrir sendiherrabústað í New York. Það saxast því á upphæðina sem var losað um við söluna á sendiherrabústaðnum 2009. Allt frá því að hann var seldur hefur verið heimild í fjárlögum til að kaupa nýjan en það hefur ekki enn verið gert. Í svari frá utanríkisráðuneytinu kemur fram að ekki hafi fundist hentugt húsnæði á ásættanlegu verði og því hafi verið leigt fram að þessu.

Það er fastafulltrúi Íslands hjá Sameinuðu þjóðunum sem býr í sendiherrabústaðnum en hann hefur stöðu sendiherra. Sendiherra Íslands í Bandaríkjunum hefur aðsetur í Washington D.C.

Í svari ráðuneytisins við fyrirspurn Fréttablaðsins kemur fram að nokkrum sinnum hafi komið til skoðunar að kaupa nýtt húsnæði en leiga hafi alltaf þótt betri kostur. Það fylgir þó leigunni að ákveðna festu vantar því húsnæðið sem sendiherrann hefur nú er þriðja íbúðin síðan selt var 2009.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 22 klukkutímum

Fékk 50 þúsund greiddar fyrir þrjú störf hjá Reykjavíkurborg: „Mér var sagt að þau höfðu gleymt sér“

Fékk 50 þúsund greiddar fyrir þrjú störf hjá Reykjavíkurborg: „Mér var sagt að þau höfðu gleymt sér“
Fréttir
Í gær

Segir hóp kvenna hafa rænt #metoo byltingunni: „Getur verið að þessar konur séu með mölbrotna sjálfsmynd og laskaða?“

Segir hóp kvenna hafa rænt #metoo byltingunni: „Getur verið að þessar konur séu með mölbrotna sjálfsmynd og laskaða?“
Fréttir
Fyrir 2 dögum

Martröð hjóna á Akureyri: Heimilislaus og múlbundin eftir uppsögn

Martröð hjóna á Akureyri: Heimilislaus og múlbundin eftir uppsögn
Fréttir
Fyrir 2 dögum

Hólmfríður þjáist af lítt þekktum sjúkdómi: „Líkaminn fer gjörsamlega í panikk“

Hólmfríður þjáist af lítt þekktum sjúkdómi: „Líkaminn fer gjörsamlega í panikk“