Í dag rétt fyrir klukkan þrjú var lögreglan kölluð til vegna alvarlegs umferðarslyss við Víðinesveg á Kjalarnesi. Einn maður var fluttur alvarlega slasaður á slysadeild en ekki er vitað meira um líðan hans á þessari stundu. Maðurinn var fastur undir bíl þegar komið var að vettvangi. Rannsókn er ekki lokið á þessari stundu og getur því lögreglan ekki gefið upp neinar frekari upplýsingar um málið að svo stöddu.