Þrír leikmenn bandaríska NFL-liðsins Minnesota Vikings heimsóttu Ísland á síðasta ári. Markmið ferðarinnar var að kynna sér Víkingaklappið góða. Sjáðu myndband af heimsókninni hér að neðan.
Ástæðan fyrir áhuga Minnesota piltanna á klappinu er sú að liðið hefur að undanförnu tekið það upp á heimaleikjum liðsins við góðan orðstýr. Það voru þeir Kyle Rudolph, Linval Joseph og Danielle Hunter sem fengu það skemmtilega verkefni að kíkja hingað til lands.
Strákarnir komu víða við í ferðinni og ræddu meðal annars við Hannes Þór Halldórsson, Aron Einar Gunnarsson og Hafþór Júlíus Björnsson.