fbpx
Sunnudagur 17.febrúar 2019
Fréttir

Darin lét lífið á hroðalegan hátt á Íslandi: „Líklega munum við aldrei vita hvað raunverulega gerðist“

Auður Ösp
Föstudaginn 14. september 2018 20:00

Ekki missa af Helstu tíðindum dagsins í pósthólfið þitt

Lesa nánar

„Þetta er búið að vera hörmulegt. Einkasonur okkar,sem við elskuðum svo heitt dó í öðru landi,“ segir Tammy Goettemoeller í samtali við DV. Tammy er móðir Darin Maverick Goodman, 25 ára pilts sem lét lífið á hroðalegan hátt á Íslandi í lok júní síðastliðnum.

DV greindi upphaflega frá málinu en Darin fannst látinn eftir að hafa fallið fram af þaki á byggingu í miðborg Reykjavíkur þann 30.júní síðastliðinn.

Samkvæmt heimildum DV voru engin vitni að fallinu. Vegfar­end­ur heyrðu dynk og sáu í kjölfarið Darin liggja slasaðan á jörðinni.

Darin var fluttur með hraði á Landspítalann en úrskurðaður látinn skömmu síðar. Fram kom í frétt DV að lögreglan á höfuðborgarsvæðinu færi með rannsókn málsins og að ekki væri vitað um tildrög andlátsins og hvað Darin var að aðhafast uppi á þakinu.

Darin og Emily ásamt móður sinni, Tammy.

Þann 31.ágúst síðastliðinn birti lögreglan ljósmyndir af upptökum úr öryggismyndavélum og óskaði eftir að ná tali af fólkinu á myndunum í tengslum við rannsókn málsins. Fram kom að fólkið átti í samskiptum við Darin fyrr um kvöldið og gætu mögulega sagt til um  um málsatvik áður en slysið átti sér stað.

Fram kom á vef Fréttablaðsins þann 31.ágúst síðastliðinn að lítið hefði miðað í rannsókn málsins. Þórir Ingvarsson, rannsóknarlögreglumaður á höfuðborgarsvæðinu sagði að ekki væri talið að neitt saknæmt hefði átt sér stað en þó hefði enn ekki tekist að upplýsa málið, sem væri rannsakað sem slys. Engin vitni voru að atvikinu.

„Karlmaðurinn var einsamall á ferðalagi um landið og hafði farið þarna upp á þak, mögulega prílað þarna baka til, það eru stigar þar. Að öðru leyti vitum við ekki hvernig hann kom sér upp á þakið og höfum ekki hugmynd um það.“

Hvers mann hugljúfi

Darin ólst upp í Bowling Green borg í Ohio fylki, hjá foreldrum sínum þeim Kevin og Tammy. Hann var fyrirmynd yngri systur sinnar Emily og sýndi henni mikla væntumþykju og hlýju.

Á minningarsíðu sem komið var á fót í kjölfar andlátsins segir meðal annars að Darin „verði ætíð minnst sem ungs drengs sem hafi vaxið úr grasi og orðið hvers mann hugljúfi.“

Í samtali við DV segir Tammy að ekkert hafi undirbúið fjölskylduna undir þessar fréttir.

„Darin var svo yndislegur og hjartahlýr. Hann átti vini út um allan heim. Hann var sérstaklega hrifinn af Suður Ameríku og menningunni þar. Hann talaði oft um það hvað það væri mikil fátækt á meðal íbúanna og hvað hann hann lifði góðu lífi miðað við þau.“

Darin ásamt fjölskyldu sinni á útskriftardaginn.

Darin var afburðanemandi og lauk háskólanámi í efnaverkfræði með ágætiseinkunn. Hann starfaði við fagið en hans aðalástríða í lífinu voru þó ferðalög. Hann var hreinlega sólginn í að uppgvötva nýja staði.

„Hann átti sér þann draum að safna nógu miklum pening til að geta hætt í vinnunni og eytt einu eða tveimur árum í að flakka um heiminn. Hann óttaðist ekkert og var hálfgerður flakkari í eðli sínu. Seinustu ár heimsótti hann alls 14 lönd og 29 fylki í Bandaríkjunum. Hann elskaði útivist, náttúruna, ævintýri og að læra nýja hluti um heiminn í kringum sig. Hann eignaðist ótal vini á ferðalögum sínum og var í stöðugu sambandi við þá í gegnum samfélagsmiðla.

Við eigum ennþá eftir að fá svör við ótal spurningum. Líklega munum við aldrei vita hvað raunverulega gerðist.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 17 klukkutímum

Kona réðst á gesti og starfsfólk á veitingahúsi

Kona réðst á gesti og starfsfólk á veitingahúsi
Fréttir
Í gær

Fjölskyldan minnist Öllu – Óbærileg sorg í Grindavík: „Þú ert besta og fallegasta manneskja sem ég veit um“

Fjölskyldan minnist Öllu – Óbærileg sorg í Grindavík: „Þú ert besta og fallegasta manneskja sem ég veit um“
Fréttir
Í gær

Inga Sæland reið: Kennir öfga-femínisma um og segir – Konan er ekki svona einföld

Inga Sæland reið: Kennir öfga-femínisma um og segir – Konan er ekki svona einföld
Fréttir
Í gær

Efling leggur fram gagntilboð við tilboði Samtaka atvinnulífsins

Efling leggur fram gagntilboð við tilboði Samtaka atvinnulífsins
Fréttir
Fyrir 2 dögum

Dularfullt par á gráum sendibíl vekur óhug í Mosfellsbæ

Dularfullt par á gráum sendibíl vekur óhug í Mosfellsbæ
Fréttir
Fyrir 2 dögum

Einar Bárða fékk sting í hjartað þegar hann sá þessa mynd

Einar Bárða fékk sting í hjartað þegar hann sá þessa mynd
Fréttir
Fyrir 3 dögum

Þorbjörg stefnir barnsföður sínum sem vill ekki sjá Einar litla: „Sorglegt fyrir hann að vilja ekki sjá barnið sitt dafna“

Þorbjörg stefnir barnsföður sínum sem vill ekki sjá Einar litla: „Sorglegt fyrir hann að vilja ekki sjá barnið sitt dafna“
Fréttir
Fyrir 3 dögum

Einstæð móðir á Íslandi með tvö börn verður við hungurmörk á miðnætti 22. febrúar – Þau munu öll svelta

Einstæð móðir á Íslandi með tvö börn verður við hungurmörk á miðnætti 22. febrúar – Þau munu öll svelta