LeBron James, besti körfuboltamaður í heimi undanfarinn áratug, var gestur í spjallþætti Ellen DeGeneres í vikunni ásamt bandaríska leikaranum Channing Tatum. Í þættinum tókst þeim félögum að safna 100 þúsund dollurum fyrir gott málefni með því að leysa nokkrar laufléttar þrautir. Sjáðu myndband af raunum þeirra James og Tatum hér að neðan.
Það var verslunarkeðjan Walmart sem gaf peningana en þeir munu renna til grunnskóla sem James stofnaði í heimabæ sínum Akron, Ohio. Skóli sem er ætlaður börnum sem búa við erfiðar aðstæður heima fyrir.
Eins og sjá má í myndbandinu hér að neðan voru þrautirnar nokkuð áhugaverðar en James þurfti meðal annars að drekka staup af Tequila án þess að nota hendur. Þá neyddist hann til þess að borða vanilluís með Tabasco sósu. Sjón er sögu ríkari.
