Lögreglan á Norðurlandi vestra stöðvaði kannabisræktun í heimahúsi á Skagaströnd í gær. Við húsleitfannst þá ræktunin auk tækja til framleiðslu á landa. Þetta kemur fram í tilkynningu sem lögreglan á svæðinu sendi frá sér á Facebook í dag.
Við húsleitina fundust einnig tunnur með gambra sem lögreglan lagði hald á. Þá fann lögreglan önnur óþekkt efni sem send verða til greiningar. Í aðgerðunum naut lögreglan aðstoðar leitarhunds, að því er fram kemur í tilkynningunni.
Íbúi í húsinu játaði eign sína á efnunum og ræktuninni og var hann handtekinn.
