Fréttir

Guðmundar- og Geirfinnsmálin verða tekin fyrir í Hæstarétti í dag – Krefjast sýknu og yfirlýsingar um sakleysi

Kristján Kristjánsson
Fimmtudaginn 13. september 2018 06:08

Sakborningar í Guðmundar- og Geirfinnsmálunum.

Í dag og á morgun fer fram munnlegur málflutningur í Guðmundar- og Geirfinnsmálunum. Þar munu bæði ákæruvaldið og hinir ákærðu krefjast sýknu. Það er því erfitt að sjá annað en að Hæstiréttur muni sýkna hina ákærðu. Ragnar Aðalsteinsson, verjandi Guðjóns Skarphéðinssonar, segir miklu skipta hvernig forsendur sýknudómsins verða orðaðar.

„Ég fer fram á að skjólstæðingur minn verði ekki aðeins sýknaður heldur verði hann lýstur saklaus í forsendum dómsins.“

Hefur Fréttablaðið eftir Ragnari í umfjöllun um málið í dag.

„Sýkna þýðir auðvitað ekkert annað en að ekki hafi tekist að sanna sektina.“

Er haft eftir Ragnari sem bætti við:

 „Það þarf að loka þessu máli og senda boð til framtíðarinnar svo þetta gerist síður aftur.“

Hann segir að í málflutningnum í dag verði fjallað um óheiðarlega og ómálefnalega málsmeðferð auk sönnunarmats. Oddgeir Einarsson, verjandi Sævars Ciesielski, er sama sinnis og segir að dómþolar og aðstandendur þeirra eigi rétt á að horfst verði í augu við staðreyndir.

„Það er algjörlega augljóst að það sem byggt var á á sínum tíma gerðist aldrei og það á að koma skýrt fram í forsendum dóms.“

Ekki er útilokað að Hæstiréttur vísi málinu frá á grunni þess að úrskurður endurupptökunefndar hafi verið ólögmætur en verjendur telja ekki miklar líkur á að svo fari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Óttast aukna heróínneyslu á Íslandi: „Í raun verið að búa til þennan grunn“

Óttast aukna heróínneyslu á Íslandi: „Í raun verið að búa til þennan grunn“
Fréttir
Í gær

Með sterkari tilfinningu fyrir gosi í Kötlu en áður – Dýpri skjálftar og meiri jökulfýla

Með sterkari tilfinningu fyrir gosi í Kötlu en áður – Dýpri skjálftar og meiri jökulfýla
Fréttir
Fyrir 2 dögum

80 ótímabær dauðsföll hér á landi árlega vegna loftmengunar

80 ótímabær dauðsföll hér á landi árlega vegna loftmengunar
Fréttir
Fyrir 2 dögum

Hver skrifaði dularfullu tölvupóstana sem Kristín kærði til lögreglu – „Í Guðs bænum hættið þessum sakbendingum“

Hver skrifaði dularfullu tölvupóstana sem Kristín kærði til lögreglu – „Í Guðs bænum hættið þessum sakbendingum“