Fréttir

Brennisteinslykt af Kötlu: „Það er eitthvað í gangi þarna“

Ari Brynjólfsson
Fimmtudaginn 13. september 2018 13:18

Mynd: Wikimedia Commons

Niðurstöður eldfjallafræðinga benda til að kvika sé að safnast saman í Kötlu. Eldfjallið dælir út rúmlega 20 kílótonnum af koltvísýringi á dag og hefur lykt af brennisteinsvetni fundist við jökulinn. Evgenia Ilyinskaya, eldfjallafræðingur við háskólann í Leeds í Bretlandi, er ein vísindamannanna sem hefur verið að mæla gasútstreymi frá Kötlu í sérútbúinni rannsóknarflugvél.

Katla er undir Mýrdalsjökli. Mynd/Wikimedia commons

Hún segir í samtali við RÚV að magn koltvísýringsins hafi komið verulega á óvart: „Magnið af koltvísýringi sem við erum að sjá er um 20 kílótonn á dag sem er rosalega mikið og setur Kötlu í þriðja sæti á heimsvísu af öllum eldfjöllum sem búið að er að mæla koltvísýring úr,“ segir Evgenía.

Magnið sé það mikið að ólíklegt sé að þetta sé einungis jarðhitakerfi, líklegast sé að kvika sé að safnast saman. Óvíst sé hvort Katla sé að fara að gjósa, til þess þurfi frekari mælingar: „Þessar niðurstöður sýna að það er eitthvað í gangi þarna.“

Sjá einnig: Dagbók Jóns frá Kötlugosi 1918 – Eldingar, myrkur og risaflóð

100 ár eru síðan Katla gaus síðast, en hún gýs að jafnaði á 40 til 80 ára fresti. Ritaðar lýsingar eru til af Kötlugosum allt frá árinu 1625, nánar lýsingar má finna í dagbók Jóns Gíslasonar frá október 1918. Gosið stóð þá yfir í 24 daga og olli miklu tjóni. Hross og skepnur fórust og fólk var í hættu statt og varð að forða sér undan jökulflóði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Tryggvi er miður sín: „Ég er heimilislaus í fyrsta skipti á ævinni“ – Upplifir sig sem einskis nýtan pappakassa

Tryggvi er miður sín: „Ég er heimilislaus í fyrsta skipti á ævinni“ – Upplifir sig sem einskis nýtan pappakassa
Fréttir
Í gær

Nánast ein tilkynning á dag um kynferðisbrot í höfuðborginni

Nánast ein tilkynning á dag um kynferðisbrot í höfuðborginni