Í lok ágúst var ný IKEA verslun opnuð í Riga höfuðborg Lettlands. Það er eignarhaldsfélagið Hof hf, sem á IKEA á Íslandi, sem stendur á bak við verslunina. Verslunin er 34.500 fermetrar og nemur heildarfjárfesting vegna hennar 50 milljónum evra en það svarar til um 6,5 milljarða íslenskra króna.

Morgunblaðið greinir frá þessu í dag. Þetta er ekki fyrsta verslun Hof á erlendri grundu því félagið rekur 30 þúsund fermetra IKEA verslun í Vilnius í Litáen en hún var opnuð 2013. Einnig rekur félagið 2.500 fermetra IKEA útibú í Kaunas og Klaipeda en þangað getur fólk sótt vörur sem það kaupir í versluninni í Litáen. Þá verður ný IKEA verslun opnuð í Litáen í næsta mánuði.