fbpx
Fimmtudagur 24.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Fréttir

Hrókurinn norðar á Grænlandi en nokkru sinni fyrr

Einar Þór Sigurðsson
Mánudaginn 10. september 2018 16:40

Fjórir Hróksliðar héldu í dag áleiðis til Kullorsuaq á Grænlandi, þar sem slegið verður upp hátíð í tilefni af 90 ára afmæli bæjarins. Með í för eru skákkennari og sirkuslistamenn, auk þess sem efnt verður til listsmiðju fyrir börnin í bænum. Kullorsuaq er 74. breiddargráðu og hafa Hróksmenn aldrei farið norðar í 15 ára sögu skáklandnámsins á Grænlandi.

 

Kullorsuaq er nyrsta eyjan í Upernavik-eyjaklasanum við vesturströnd Grænlands og eru íbúar um 450. Elstu minjar um búsetu í Kullorsuaq eru fjögur þúsund ára gamlar, og þar lifir menning inúíta góðu lífi. Bærinn var formlega stofnaður 1928, þegar veiðimannafjölskyldur tóku að flytjast þangað úr smærri þorpum.

 

Leiðangursmenn Hróksins eru Máni Hrafnsson, Joey Chan, Axel Diego og Roberto Magro. Máni hefur tekið þátt í skáklandnámi Hróksins á Grænlandi frá upphafi, árið 2003, og mun kenna skák og tefla fjöltefli. Joey er nú að fara í þriðja sinn með Hróknum til Grænlands og mun m.a. annast listsmiðju fyrir börnin. Axel og Roberto eru sirkuslistamenn, og verða með sýningar og sirkusskóla fyrir börnin í bænum. Axel var í föruneyti Hróksins sem sló upp frábærri hátíð í Uummannaq á síðasta ári, og Roberto hefur unnið með börnum víða um heim, m.a. í Kosovo og Burkina Faso.

 

Hróksliða bíður langt ferðalag, áður en komið er til Kullorsuaq. Flogið er frá Reykjavík til Nuuk, þaðan norður til Upernavik, og loks tekur við 8 tíma sigling áður en komið er á áfangastað. Leiðangursmenn munu taka land í Kullorsuaq á miðvikudaginn, 12. september, en þann dag verða rétt 20 ár frá stofnun Skákfélagsins Hróksins.

 

Mikil tilhlökkun ríkir meðal jafnt leiðangursmanna sem heimamanna, enda hefur undirbúningur staðið í marga mánuði. Helstu bakhjarlar hátíðarinnar í Kullorsuaq eru Air Iceland Connect, sveitarfélagið Avannaat og NAPA, en að vanda fara Hróksliðar líka klyfjaðir mörgum góðum gjöfum, ekki síst frá prjónahópnum í Gerðubergi og öðrum velunnurum.

 

Hér heima verður 20 ára afmæli Hróksins fagnað með veglegu skákmóti og hátíð í Ráðhúsi Reykjavíkur, sem hefst nk. föstudag, 14. september, kl. 17. Margir sterkustu skákmenn Íslands mæta til leiks, ásamt góðvinum Hróksins að fornu og nýju. Meðal keppenda eru stórmeistarnir Friðrik Ólafsson, Helgi Ólafsson, Jóhann Hjartarson, Hannes Stefánsson, Helgi Grétarsson, Þröstur Þórhallsson og Bragi Þorfinnsson. Heiðursgestur afmælismóts Hróksins er Regina Pokorna, sem tefldi með hinu sigursæla A-liði Hróksins á árum áður og sigraði í kvennaflokki á fyrsta alþjóðlega skákmótinu í sögu Grænlands, sem Hrókurinn stóð fyrir í Qaqortoq 2003.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sjáðu magnað myndband Rúnars af bíræfnum bílaþjóf gómuðum af lögreglu

Sjáðu magnað myndband Rúnars af bíræfnum bílaþjóf gómuðum af lögreglu
Fréttir
Í gær

Sindri ákærður fyrir manndrápstilraun – Stakk Elmar margoft

Sindri ákærður fyrir manndrápstilraun – Stakk Elmar margoft
Fréttir
Fyrir 2 dögum

Hefur þú séð þennan bíl? Lögreglan leitar að honum

Hefur þú séð þennan bíl? Lögreglan leitar að honum
Fréttir
Fyrir 2 dögum

Mynd dagsins: Keyrði fram hjá Háteigsskóla – „Þetta var einhver að flýta sér“

Mynd dagsins: Keyrði fram hjá Háteigsskóla – „Þetta var einhver að flýta sér“
Fyrir 3 dögum

Réttarkerfið kostaði Stacey lífið

Réttarkerfið kostaði Stacey lífið
Fréttir
Fyrir 3 dögum

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“
Fréttir
Fyrir 3 dögum

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“
Fréttir
Fyrir 3 dögum

„Ég sakna þess ofboðslega mikið að fá ekki að tala við mömmu“

„Ég sakna þess ofboðslega mikið að fá ekki að tala við mömmu“