fbpx
Fimmtudagur 13.desember 2018
Fréttir

Dramatík í innanlandsflugi til Egilsstaða: „Búið að drepa á öðrum hreyflinum“

Ritstjórn DV
Fimmtudaginn 9. ágúst 2018 15:53

Vél Air Iceland Connect á leið til Egilsstaða var snúið við nú á fjórða tímanum og lenti á Reykjavíkurflugvelli. Jón Júlíus Karlsson, framkvæmdastjóri Aftureldingar og fyrrverandi fréttamaður, var í fluginu og segir hann að flugið hafi verið dramatískt á Twitter.

„Innanlandsflug til Egilsstaða að breytast í dramatík. Búið að drepa á öðrum hreyflinum og vélinni snúið við til Reykjavíkur. Allir léttir. Nokkuð harkaleg lending en allir heilir á húfi. Fór betur en áhorfðist,“ skrifar Jón Júlíus.

Vísir greinir frá því að mikill viðbúnaður væri á Reykjavíkurflugvelli vegna málsins. Guðjón Arngrímsson, upplýsingafulltrúi Isavia, segir í samtali við Vísi að vélinni hafi verið snúið við vegna bilunar.

RÚV greinir frá því að 40 farþegar og fjögurra manna áhöfn hafi verið um borð. Árni Gunnarsson, framkvæmdastjóri Air Iceland Connect, segir í samtali við RÚV að annar hreyfill flugvélarinnar hafi bilað stuttu eftir flugtak. Flugstjórinn hafi því ákveðið að slökkva á hreyflinum og snúa aftur til Reykjavíkur.

Uppfært kl. 16:14

Lögreglan á höfuðborgarsvæðinu segir á Facebook að vinna viðbragðsaðilar hafi gengið vel. „Flugvél Air Iceland Connect var snúið aftur til Reykjavíkurflugvallar eftir flugtak á fjórða tímanum í dag eftir að reyks varð vart í vélinni og heppnaðist lendingin vel. Líklegt þykir að um vélarbilun hafi verið að ræða, en annar hreyfla vélarinnar mun hafa bilað. Fjörutíu og fjórir farþegar, auk áhafnar, voru um borð og sakaði þá ekki. Viðbragðsaðilar voru kallaðir til og gekk vinna þeirra vel fyrir sig, samkvæmt viðbragðsáætlun fyrir Reykjavíkurflugvöll. Eftir að vélin var lent var aðgerðin afboðuð kl. 15.36,“ segir í tilkynningu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Spádómur Stefáns um dómsmálið gegn Báru: „Ákveðinn hópur fólks verður búinn að gleyma smáatriðum málsins“

Spádómur Stefáns um dómsmálið gegn Báru: „Ákveðinn hópur fólks verður búinn að gleyma smáatriðum málsins“
Fréttir
Í gær

Vestfirskur fjölskyldumaður er 130 milljónum ríkari

Vestfirskur fjölskyldumaður er 130 milljónum ríkari