fbpx
Miðvikudagur 16.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Fréttir

Jakob var sakaður um fjárdrátt í Svíþjóð og býður sig fram til formanns Neyt­enda­sam­takanna

Óðinn Svan Óðinsson
Laugardaginn 4. ágúst 2018 15:00

Jakob S. Jónsson, leiðsögumaður og leikstjóri, tilkynnti í vikunni framboð sitt til formanns Neytendasamtakanna. Jakob tilkynnti framboð sitt í Fréttablaðinu á mánudaginn og sendi í kjölfarið frá sér yfirlýsingu á Facebook. Þar kom fram að innan fárra daga myndi hann setja fram stefnumál sín.

Fjölmiðlar hafa áður fjallað um Jakob S. Jónsson en árið 2010 var hann sakaður um fjárdrátt úr samtökum Heimilis og skóla í Svíþjóð, þar sem hann gegndi formennsku. Það var fréttaskýringarþátturinn Uppdrag og gransking sem sýndur var í sænska ríkissjónvarpinu sem greindi frá meintum brotum Jakobs. Í þættinum var fullyrt að Jakob hefði misnotað aðstöðu sína er hann starfaði fyrir samtökin og greitt fyrir einkaneyslu með greiðslukorti samtakanna.

Visir.is fjallaði ítarlega um málið á sínum tíma en þar vísaði Jakob öllum ásökunum á bug og sagði málið byggt á misskilningi. „Það sem ég er sakaður um er að hafa étið mat og drukkið áfengi fyrir 40 þúsund sænskar krónur og það hef ég heldur ekki gert á kostnað samtakanna. Ekki samkvæmt þeirri lýsingu,“ sagði Jakob í samtali við Vísi á sínum tíma.

Málið vakti töluverða athygli en á þeim kvittunum sem stjórnendur Uppdrag og gransking höfðu undir höndum mátti meðal annars finna greiðslur fyrir hreindýrafile, nautasteik, skötusel, vín og líkjör. Reikningarnir sýndu fram á greiðslur að andvirði 40 þúsund sænskra króna.

Skömmu eftir að Jakob tilkynnti framboð sitt lýsti Ólafur Arnar­son, fyrrverandi for­maður Neyt­enda­sam­takanna. yfir af­gerandi stuðningi við for­manns­fram­boð Jakobs. Í viðtali við Ólaf sem birtist í Fréttablaðinu sama dag sagði hann Jakob vera rétta manninn til að bjarga samtökunum.

„Jakob er maður sem lætur að sér kveða og ég hef fulla trú á því að hann hafi alla burði til þess að rífa samtökin upp úr þessari lægð,“ sagði Ólafur meðal annars í umræddu viðtali.

Kosning til formanns fer fram á þingi samtakanna sem haldið verður í október. Enginn formaður hefur verið starfandi frá því að Ólafi Arnarsyni var sagt upp störfum hjá samtökunum. Uppsögnin kom til vegna óhóflegra útgjalda Ólafs.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Atli Rafn vill 13 milljónir frá Kristínu – „Það eina rétta í stöðunni“

Atli Rafn vill 13 milljónir frá Kristínu – „Það eina rétta í stöðunni“
Fréttir
Fyrir 2 dögum

Guðmundur segir „myrkraöfl“ að verki: „Sérstaklega ömurleg aðför að ungu fólki“

Guðmundur segir „myrkraöfl“ að verki: „Sérstaklega ömurleg aðför að ungu fólki“
Fréttir
Fyrir 2 dögum

Handtekinn í Árbæ

Handtekinn í Árbæ
Fyrir 2 dögum

Skotárásin á California-stræti 101

Skotárásin á California-stræti 101
Fréttir
Fyrir 3 dögum

Samgöngustofa hætti við ráðningu lögfræðingsins vegna dóms – „Ég ætla að að drepa þig hehehe“

Samgöngustofa hætti við ráðningu lögfræðingsins vegna dóms – „Ég ætla að að drepa þig hehehe“
Fréttir
Fyrir 3 dögum

Myndband: Eldur á Granda

Myndband: Eldur á Granda