fbpx
Fréttir

Stefán Karl er látinn

Kristjón Kormákur Guðjónsson
Þriðjudaginn 21. ágúst 2018 18:40

Hinn ástsæli leikari, Stefán Karl Stefánsson, er látinn eftir tveggja ára baráttu við krabbamein sem hann greindist með árið 2016. Steinunn Ólína Þorsteinsdóttir eftirlifandi eiginkona Stefáns greinir frá þessu á Facebook- síðu sinni.

Stefán Karl var fæddur í Hafnarfirði árið 1975. Hann naut mikilla vinsælda og viðurkenningar fyrir margvísleg störf sem sem leikari á sviði, í kvikmyndum og sjónvarpsþáttum. Má þar nefna hlutverk Glanna glæps í þáttaröðinni Latibær og stórt hlutverk í hinu vinsæla írska leikriti, Með fulla vasa af grjóti.

Árið 2002 stofnaði Stefán Karl samtökin Regnbogabörn sem beittu sér mjög fyrir umræðu um einelti og forvörnum gegn því.

Nokkuð hefur verði fjallað um baráttu Stefáns við sjúkdóm sinn í fjölmiðlum og hefur hann vakið aðdáun landsmanna fyrir æðruleysi sitt og hugrekki í því stríði.

Eftirlifandi eiginkona Stefáns er hin virta og vinsæla leikkona og fjölmiðlakona, Steinunn Ólína Þorsteinsdóttir. Stefán Karl lætur eftir sig son og dóttur og tvær stjúpdætur.

Steinunn Ólína segir á Facebook:

„10. júlí 1975 – 21. ágúst 2018

Yndið mitt, Stefán Karl Stefánsson, er látinn eftir tveggja ára baráttu við illvígt gallgangakrabbamein. Stefán var fæddur 10. júlí 1975 og varð því 43 ára gamall. Að ósk hins látna verður engin jarðarför og jarðneskum leifum dreift í kyrrþey á úthafi fjær. Fjölskyldan þakkar auðsýndan stuðning og hlýhug á undangengnum árum og sendir hinum fjölmörgu vinum og aðdáendum Stefáns Karls sínar innilegustu samúðarkveðjur.“

DV sendir aðstandendum Stefáns Karls innilegar samúðarkveðjur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Milljónatjón eftir óhapp hjá ótryggðum verktaka í Keflavík

Milljónatjón eftir óhapp hjá ótryggðum verktaka í Keflavík
Fréttir
Í gær

Borðar þú lakkrís? Helga segir að þá sért þú í vondum málum

Borðar þú lakkrís? Helga segir að þá sért þú í vondum málum
Fréttir
Fyrir 2 dögum

Ed Sheeran með tónleika á Íslandi næsta sumar

Ed Sheeran með tónleika á Íslandi næsta sumar
Fréttir
Fyrir 2 dögum

„Katla er vöknuð“ – „Getur orðið stærra og ofsalegra en 2010“

„Katla er vöknuð“ – „Getur orðið stærra og ofsalegra en 2010“