Slökkvilið var kallað út að bílaumboðinu Öskju á fimmta tímanum í morgun eftir að eldur kom upp í átta bílum við húsnæði fyrirtækisins. Mbl.is greindi fyrst frá málinu en þar kemur fram að um íkveikju hafi verið að ræða.
Vel gekk að ráða niðurlögum eldsins en um klukkan sex var búið að slökkva allan eld. Málið nú komið inn á borð lögreglu sem rannsakar eldsupptök.
Helga Friðriksdóttir, forstöðumaður þjónustusviðs Öskju segir í samtali við Rúv að bílarnir séu mismikið skemmdir. Þetta eru bílar sem eru annars vegar í okkar eigu og hins vegar eru nokkrir bílar líklega í eigu viðskiptavina sem eru á verkstæði, “ sagði Helga í samtali við Rúv.