Borgarráð Reykjavíkur hefur synjað umsókn Fjölskylduhjálpar Íslands um fjárstyrk fyrir árið 2018. Samtökin sóttu um tveggja milljón króna styrk til starfseminnar í lok í júní síðastliðinn.
Ásgerður Jóna formaður Fjölskylduhjálpar og varaborgarfulltrúi Flokks fólksins,tjáir sig um málið á facebooksíðu sinni þar sem hún harmar niðurstöðuna.
„Afgreiðslu Borgarráðs í dag um styrk til Fjölskylduhjálpar Íslands. NEI. Enginn styrkur árið 2018,“
ritar Ásgerður og bætir við að niðurstaðan „stingi mann í hjartastað.“
„Við vorum einu hjálparsamtökin með opið í allt sumar, fátækir og efnalitlar fjölskyldur þurfa líka að borða á sumrin. Úthlutuðum hátt í 23000 matargjöfum árið 2017.“
Átta umsóknir voru afgreiddar á fundi ráðsins í gærkvöldi og var fjórum þeirra hafnað.
Borgarráð samþykkti hins vegar að veita fjórum verkefnum fjárstyrk upp á.Verkefnin sem um ræðir eru Óperudagar í Reykjavík, Töframáttur Tónlistar, Gróðursetning í Barnalund á vegum hverfisráðs Kjalarness, Ljósmyndakeppni á vegum hverfisráðs Kjalarness og Ungt fólk í síbreytilegum heimi á vegum á Styrktarfélag alþjóðlega geðheilbrigðisdagsins.