Síðasta fimmtudag átti sér stað atvik á Miklubraut við Klambratún, þar sem rútubílstjóri á vegum Reykjavík Excursions – Kynnisferðir, stöðvaði umferðina á brautinni til að hleypa út farþegum úr rútunni. Voru farþegar að sækja töskur sínar úr rútunni á hægri akrein Miklubrautar. Á götunni er bannað að stöðva umferð og ekki leyfilegt að stöðva rútur til að hleypa út farþegum. Umferð á akbrautinni þurfti því að sveigja fram hjá stöðvuðu rútunni á meðan, en rútan var í stopp í rúmar 10 mínútur.
Samkvæmt Ómari Smára Ármannssyni, aðstorðaryfirlögregluþjóni hjá umferðardeild lögreglunnar á höfuðborgarsvæðinu eru svona atvik algjör undantekning: „Þetta er bara mjög slæm undantekning þegar svona gerist og á alls ekki að gerast“.
„Þetta eru allaveganna ekki hefðbundnar vinnureglur hjá okkur að gera þetta með þessum hætti“. Segir Björn Ragnarsson, framkvæmdastjóri Reykjavík Excursions – Kynnisferðir. Hann einnig tekur bílstjórar fyrirtækisins eigi að sjálfsögðu að fara eftir umferðarlögum og eigi ekki að setja farþega í þær aðstæður að það gæti skapað hættu fyrir þá.