Fréttir

Bryndís sökuð um að nýta sér neyð fólks – Sögð gráðug og á leið til helvítis

Óðinn Svan Óðinsson
Mánudaginn 13. ágúst 2018 11:09

Bryndís Hólm Sigurðardóttir, sjúkraliði, auglýsti um helgina herbergi til leigu á 90 þúsund krónur á mánuði. Mikil umræða skapaðist á Facebook um verðið á herberginu og eftir nokkra klukkutíma neyddist Bryndís til að fjarlægja auglýsinguna.

„Það voru komin 230 svör við færslunni þegar ég ákvað að taka hana út. Þá hafði ég einnig fengið fjöldan allan af einkaskilboðum frá fólki sem sagði að ég væri að skemma leigumarkaðinn. Þá sagði einn að ég myndi enda hjá djöflinum,“ segir Bryndís í samtali við DV.

Verðið á herberginu er að sögn Bryndísar ekki fast. „Þetta var nú bara svona verðhugmynd. Þrátt fyrir allt þetta reiða fólk hafa nú nokkrir sýnt herberginu áhuga og fleiri en einn komið að skoða,“ segir hún.

Eins og áður segir hafa margir séð ástæðu til þess að tjá sig um auglýsinguna. Þar er Bryndís kölluð öllum illum nöfnum og sökuð um græðgi. „Manni verður óglatt af græðgi fólks,“ segir einn ósáttur netverji.

Aðrir saka Bryndísi um að nýta sér stöðu þeirra minnst settu í samfélaginu. „Okur! Þarna er verið að níðast á neyð annarra,“ segir einn. „Úff, sorglegt hve gráðugt fólk er, skömm að þessu,“ bætir önnur við.

Bryndís segist ekki láta skítkastið á sig fá. „Mér finnst rosalega skrítið hvað fólk er reitt en þetta snertir mig ekki neitt,“ segir hún að lokum en auglýsinguna umdeildu má sjá hér að neðan. 

Skjáskot/ Facebook

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Óþægilegt fyrir alla

Óþægilegt fyrir alla
Fréttir
Fyrir 2 dögum

Einn af hverjum þremur Íslendingum les ekki bækur á íslensku

Einn af hverjum þremur Íslendingum les ekki bækur á íslensku
Fréttir
Fyrir 3 dögum

Dýraníð á Álftanesi: Aðrir hundaeigendur stíga fram – „Hundarnir þora ekki að fara frá okkur“

Dýraníð á Álftanesi: Aðrir hundaeigendur stíga fram – „Hundarnir þora ekki að fara frá okkur“
Fréttir
Fyrir 3 dögum

Hrafnkell á Tinder eftir að hafa nauðgað konu og reynt að drepa fyrir tveimur árum

Hrafnkell á Tinder eftir að hafa nauðgað konu og reynt að drepa fyrir tveimur árum