Eins og við greindum frá fyrir helgi lést kafari við björgunarstörf í hellakerfinu í Taílandi þar sem 12 fótboltastrákar og þjálfari þeirra sátu fastir. Maðurinn sem hét Saman Kunan var að flytja súrefniskúta í helli drengjanna þegar hann varð súrefnislaus og lést. Kunan sem eitt sinn starfaði fyrir tælenska sjóherinn var þó hættur störfum en ákvað að bjóða fram hjálp sína.
Síðasta myndin sem tekin var af Saman Kunan hefur nú farið sem eldur í sinu um netheima en það var Facebook-notandinn Robert Davis sem birti myndina. Í færslu sem Robert skrifaði og sjá má í heild hér að neðan er Kunan þakkað kærlega fyrir sitt framlag. „Saman Kunan. Segið nafnið hans. Hann á það skilið“ skrifaði Davis meðal annars.
Dauði Kunans er sagðir sýna vel hversu flókið það er að flytja alla drengina úr hellinum. Hver ferð í hellinn og til baka tekur um það bil ellefu klukkustundir.
https://www.facebook.com/RowdyRob/posts/10160547314595453