Búið er að bjarga átta drengjum úr hellunum á Taílandi. Þetta hefur CNN eftir sjónarvotti á vettvangi. Reuters-fréttastofan tekur í sama streng og hefur eftir manni á staðnum að áttundi drengurinn sé nú kominn út. Þetta þýðir að nú eru fjórir drengir eftir inn í hellinum ásamt fótboltaþjálfaranum sem var með í för.
Farið var með drengina einn af öðrum á sjúkrahús þar sem læknar munu meta ástand þeirra. Drengirnir átta verða settir í einangrun en þar munu þeir dvelja næstu daga vegna margvíslegra sjúkdóma sem þeir kunna að hafa nælt sér í.
Fréttin verður uppfærð.
