fbpx
Fréttir

Átta skemmtilegir Facebook-hópar sem þú verður að sækja um aðild að

Tómas Valgeirsson
Sunnudaginn 8. júlí 2018 13:00

Á stærsta samskiptamiðli heims leynist óneitanlega margt skemmtilegt. Facebook-hópar, opnir sem lokaðir, ganga fyrir sig eins og lítil samfélög, uppfull af fjölbreytilegu fólki og allskonar skoðunum. Það er óhætt að fullyrða að allir geti fundið sér eitthvað við hæfi hvort sem viðkomandi hefur eitthvað að selja, þarf létta á sér, þrasa eða einfaldlega leita að nýjum tækifærum til þess að fiska eftir upplýsingum eða finna fólk með sameiginleg áhugasvið. Galdurinn er vissulega að vita hvar á að leita.

DV fór því á stúfana og leitaði uppi nokkra skemmtilega Facebook-hópa sem enn hafa ekki enn náð fótfestu hjá íslenska meginstraumnum, en eiga svo sannarlega erindi þangað.

Hraðamælinga Tips

Það er frekar óvinsælt sport að vera stöðvaður af lögreglunni. Í hópnum Hraðamælinga Tips er að finna samansafn af miskunnsömum samverjum sem fylgjast grannt með hvar lögreglan mælir hraða á götum og lætur aðra vita. Þarna er einnig bent á hægri umferð, vegaframkvæmdir eða aðrar seinkanir. Hvernig upplýsingarnar sem finnast í þessum hópi eru notaðar eru alfarið á ábyrgð hvers og eins, en eflaust hafa ófáir sloppið við hraðasektir vegna hópsins. Svo getur hver og einn velt fyrir sér hvort það sé gott eða slæmt.

 

Innkaupakerrur heimsins / Shopping carts of the world

Það nota allir innkaupakerrur þegar lagt er í stórinnkaupaleiðangur. Þegar verslunaferðinni er lokið hefur kerran þjónað tilgangi sínum, að minnsta kosti hjá flestum. Því miður eiga óprúttnir viðskiptavinir það stundum til að taka kerrurnar traustataki og bruna með þær í burtu og skilja þær síðan eftir langt frá „heimahögum“ sínum. Hópurinn Innkaupakerrur heimsins hefur það markmið að finna þessar yfirgefnu kerrur. Meðlimir taka ljósmyndir af kerrum sem verða á vegi þeirra og birta þær í hópnum með þá von í brjósti að kerrurnar komist aftur til síns heima. Allir vinna.

 

Vinir lúpínunnar

Hér snúa ýmsir landsmenn bökum saman um leið og þeir titla sig vini umdeildasta blóms landsins, lúpínunnar. Meðlimir hafa meðal annars mótmælt ómálefnalegum tillögum starfshóps umhverfisráðherra um að útrýma lúpínu í gróðursnauðasta landi Evrópu. Gakktu í hópinn ef þig þyrstir að stórefla landgræðslu og skógarækt svo endurheimta megi töpuð landgæði á Íslandi. Hópurinn hyggst stuðla að uppgangi og útbreiðslu lúpínunnar eftir bestu getu. Ef þessi skilaboð tala til þín, er gráupplagt að smella á hnappinn „Join Group“.

 

Heimur batnandi fer

„Hérna á ekki heima nein svartsýni eða bábilja, né það sem má kalla óttastjórnun,“ segir í lýsingu stjórnenda hópsins Heimur batnandi fer. Kjarnamarkmið þessa hóps er að benda á það góða og jákvæða sem er allt í kringum okkur, enda er af nægu að taka. Birtar eru upplífgandi fréttir og skilaboð sem vinna gegn þeim hremmingum sem aðrir miðlar eiga til að einblína á og ekki síður falskar fréttir eða villandi tölfræðiupplýsingar um þá hrörnandi veröld sem við búum í. Sérð þú glasið sem hálffullt? Þá er um að gera að líta við með bros á vör og neikvæðnina í aftursætinu.

 

Algjörlega óáhugaverðar fótboltaupplýsingar

Margir vilja meina að það sé ekkert til sem heitir „gagnslausar upplýsingar“, en tónskáldið John Cage sagði eitt sinn að það væri hægt að gera leiðinlega hluti áhugaverða með mikilli ástundun. Í þessum líflega hópi sitja landsmenn sem rýna í leiðinlegustu atriði fótbolta til þess eins að „íþróttin geti orðið skemmtileg fyrir börnin okkar sem vilja helst bara hanga heima og lesa ljóð“ eins og segir í lýsingu hópsins. Alþingismaðurinn Kolbeinn Óttarson Proppé stofnaði hópinn sem vettvang fyrir misáhugaverða pósta Stefáns Pálssonar, vinar síns, um knattspyrnuliðið Luton Town. Í ljós kom að æði margir höfðu áhuga á slíkum óáhugaverðum fróðleik og meðlimir hópsins eru nú orðnir yfir 5.000 talsins. Stefán er enn virkur penni og Kolbeinn geispar á meðan. Góð dægrastytting fyrir fólk sem hefur áhuga á því að sýna fótbolta áhuga en veit ómögulega hvar skal byrja.

 

Fullorðnir aðdáendur teiknimynda

Oft kemur fyrir að aðdáendur teiknimynda bíða spenntir eftir að bregða sér á nýja teiknimynd frá Pixar eða frá öðrum heimshornum, en þá er hún aðeins sýnd með íslensku tali. Tilgangur þessa hóps er að skapa umræður um ýmsar ólíkar teiknimyndir og sýna dreifingaraðilum kvikmynda á Íslandi að til sé stór hópur fullorðinna aðdáenda teiknimynda sem vill sjá þær í kvikmyndahúsum, helst á kvöldin og á frummálinu. Gísli Einarsson, eigandi Nexus, leiðir hópinn sem hefur farið ört vaxandi.

 

Samtök um bíllausan lífsstíl

Samtök um bíllausan lífsstíl er hópur fólks sem hefur það sameiginlega áhugamál að vinna að því að gera bíllausan lífsstíl á höfuðborgarsvæðinu að vænlegri kosti en nú er. Gísli Marteinn Baldursson er andlegur leiðtogi hópsins. Kannski er kominn tími á að segja skilið við bílinn eða blása rykið af reiðhjólinu.

 

Sannar íslenskar draugasögur

Það kannast trúlega einhverjir við tilfinninguna að smella af einni ljósmynd af vinum eða ættingjum, en þá laumast dularfullur skuggi inn á myndina sem fær ímyndaraflið til að fara á flug. Í þessum hóp skiptist fólk á reimleikasögum og upplifunum sem vekja aðra til umhugsunar um hvort það sé eitthvað yfirnáttúrulegt á sveimi eða hvort þetta hafi bara verið kám á linsunni.

Aðrir kostulegir hópar eða síður sem DV mælir með:

Áhugafólk um eineltismál
Áhugafólk um skegg
Skammarleg ummæli Íslendinga
Góð kaup á ÍSLANDI, myndir og verð!

Sama myndin af Ingvari E. Sigurðssyni á hverjum degi
Frír matur
Góð combo
Léleg combo
Skipulagsfíklar
Hópur um hópa
Hrós dagsins

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sprengjugeymslur við Norðlingaholt ekki færðar þrátt fyrir loforð

Sprengjugeymslur við Norðlingaholt ekki færðar þrátt fyrir loforð
Fréttir
Í gær

Dularfullur dauðdagi í miðbæ Reykjavíkur – Fjölskyldan niðurbrotin – „Það er eins og hann hafi verið að flýja undan einhverjum“

Dularfullur dauðdagi í miðbæ Reykjavíkur – Fjölskyldan niðurbrotin – „Það er eins og hann hafi verið að flýja undan einhverjum“
Fréttir
Fyrir 2 dögum

Segir erfiðan vetur framundan fyrir íslensku flugfélögin – „Það er alls ekkert víst að þetta klikki“

Segir erfiðan vetur framundan fyrir íslensku flugfélögin – „Það er alls ekkert víst að þetta klikki“
Fréttir
Fyrir 2 dögum

Myrti og misnotaði götubörn

Myrti og misnotaði götubörn
Fréttir
Fyrir 2 dögum
Síðustu orðin