Þeim Íslendingum sem hafa aðgang að Netflix fjölgar sífellt og hafa nú 67 prósent þeirra aðgang að Netflix á sínu heimili. Þetta er um átta prósentustiga aukning frá árinu 2017.
Þetta kemur fram í niðurstöðum nýrrar könnunar MMR um aðgengi að streymisveitunni.
Könnunin var framkvæmd dagana 16. til 22. maí 2018 og var heildarfjöldi svarenda 929 einstaklingar, 18 ára og eldri.
Svarendur á aldrinum 18-29 ára, eða 90 prósent, voru líklegastir til að segjast hafa aðgang að Netflix á sínu heimili. Aðgengi að Netflix fór minnkandi með auknum aldri, að því er segir í tilkynningu MMR.
Þá voru íúar höfuðborgarsvæðisins, 70 prósent, líklegri en svarendur á landsbyggðinni (62%) til að hafa aðgang að Netflix.
Stuðningsfólk Pírata (74%) og Viðreisnar (75%) var líklegast til að segja aðgengi að Netflix vera til staða á sínu heimili. Þá var stuðningsfólk Framsóknarflokksins (54%) líklegast allra til að segjast ekki hafa aðgengi að streymisveitunni.