Þó að sumarið láti bíða eftir sér þá er þetta samt sem áður einmitt tíminn til að skella sér í sund enda er það bæði endurnærandi og hollt. Af því tilefni tók DV saman lista yfir 10 bestu sundlaugarnar á Íslandi.
Gersemi á Suðurlandi, flott laug, skemmtilegar rennibrautir og skemmtilega hönnuð busllaug.
Laugin er fyrir löngu orðin fastur punktur í lífi Akureyringa og þeirra sem eiga viðkomu í bænum. Það er nýbúið að gera laugina upp og það rækilega, þrjár nýjar rennibrautir og notalegur heitur pottur. Útsýnið er ekki af verri endanum, Hlíðarfjall sjálft.
Þrjár skemmtilegar rennibrautir, busllaug og notalegir heitir pottar. Fínn viðkomustaður fyrir austan.
Dr. Gunni mælir með lauginni á Suðureyri. Segir hann á bloggi sínu: „Næs laug, næs pottar og toppurinn er að kaupa ís eða klaka til að sleikja ofan í potti.“
Veðrið vont? Engar áhyggjur, þú þarft ekki að finna neina sundhöll. Vatnaveröld í Reykjanesbæ er staðurinn til að fara með krakka. Það eru hins vegar oft mikil læti þar.
Ekki jafn íburðarmikil og Akureyrarlaug en talsvert meira sjarmerandi og vinalegri. Stiginn góði niður í íþróttahúsið, nóg af heitum pottum, þægileg rennibraut sem allir þora í og sveppur sem sturtar vatni yfir yngra fólkið reglulega. Svo eru alltaf færri þar en í Akureyrarlaug.
Mjög þægileg fyrir barnafólk. Þrjár rennibrautir og busllaug. Mjög notaleg.
Engar rennibrautir. Einn heitur pottur. Lítil laug. Samt ein mest sjarmerandi og skemmtilegasta laug landsins. Krossneslaug er á Stöndum og nánast ofan í hafinu. Það er ekkert starfsfólk, aðeins söfnunarbaukur, og því alveg í lagi að koma þangað á nóttunni til að fylgjast með norðurljósunum eða bara hlusta á hafið.
Besta laugin fyrir börn á öllum aldri, heilar fjórar rennibrautir, klifurveggur, busllaug og þrír heitir pottar. Þeir sem vilja synda geta gert það inni.
Það er ástæða af hverju Álftanes er ekki lengur sjálfstætt sveitarfélag, það er ruglflotta sundlaugin sem var byggð rétt í kringum hrunið. Laugin hefur upp á ótalmargt að bjóða, innilaug fyrir krakka, potta, risastóra rennibraut sem fær fólk til að svima, að ógleymdri öldulauginni. Bæði gufubað og sauna með glugga nær að ýta Álftanesslaug í fyrsta sætið.
Eina mögulega umkvörtunarefnið er skortur á útsýni en laugin er við hliðina á íþróttahúsi á miðju nesinu.
Alveg þess virði að setja sveitarfélag á hausinn.
Er þín sundlaug ekki á listanum, bættu henni við í athugasemd.
