Upp úr klukkan tíu í gærkvöld var ofurölvi maður handtekinn í Kópavogi, grunaði um að hafa ógnað fólki með hníf í hendi. Maðurinn er grunaður um líkamsárás og brot á vopnalögum. Hann var vistaður fyrir rannsókn málsins í fangageymslu lögreglu.
Þetta kemur fram í dagbók lögreglunnar. Afskipti voru höfð af manni við Álftamýri á tíunda tímanum í gærkvöld vegna sölu og vörslu fíkniefna.
Á þriðja tímanum í nótt var bíll stöðvaður við Snorrabraut. Ökumaðurinn er grunaður um akstur bifreiðar undir áhrifum fíkniefna. Farþegi í bifreiðinni er grunaður um vörslu fíkniefna og brot á lyfjalögum.
Um hálfjögur í nótt var ofurölvi maður handtekinn við Austurvöll þar sem hann var í átökum við dyraverði sem héldu honum. Maðurinn er sagður hafa verið að bera sig og var ekki viðræðu hæfur sökum ölvunar. Maðurinn var vistaður sökum ástands í fangageymslu lögreglu.
Á níunda tímanum í gærkvöld stöðvaði lögreglan bíl á Hafnarfjarðarvegi. Ökumaðurinn er grunaður um akstur bifreiðar undir áhrifum áfengis og fíkniefna og akstur án réttinda þ.e. hefur aldrei öðlast ökuréttindi. Farþegi í bifreiðinni, ölvaður erlendur maður, hafði engin skilríki meðferðis og vildi aðspurður ekki gefa lögreglu persónuupplýsingar. Hann var vistaður fyrir rannsókn máls í fangageymslu lögreglu.