fbpx
Þriðjudagur 18.desember 2018

DV - Frjáls og óháður miðill

Orðið á götunni

Kaupþingskaldhæðni örlaganna

Fréttir

Reykingar sýndar í auglýsingamyndum frá 66°N: „Mistök hjá okkur“

Ágúst Borgþór Sverrisson
Föstudaginn 20. júlí 2018 23:48

Myndir af ungri stúlku að reykja sígarettu, klæddri útivistarfötum frá 66°N, hafa til skamms tíma verið í birtingu á vef fyrirtækisins. Útivistarfatnaður frá fyrirtækinu hefur hingað til verið tengdur við holla lífshætti og þykja myndirnar stinga mjög í stúf við þá ímynd.

Vakin er athygli á þessu í Facebook-hópnum Markaðsnördar þar sem þessar myndir voru birtar en þær eru teknar af bloggsvæðinu af vef 66°N. Sá sem vekur athygli á málinu lætur eftirfarandi athugasemd fylgja:

Sorry 66º Norður en það er löngu dottið úr tísku að reykja! 

Fulltrúi frá fyrirtækinu svarar færslunni og segir að mistök hafi átt sér stað. Fannar Páll Aðalsteinsson skrifar um þetta:

Okkur hjá 66°Norður þykir þetta miður og erum sammála þessari athugasemd. Við berum mikla ábyrgð að vera góð fyrirmynd í því sem við gerum og stöndum fyrir. Þetta er alls ekki í takti við það. Ég vil ekki afsaka þetta en hér var um að ræða mistök hjá okkur í meðhöndlun efnis sem við fengum frá áhrifavöldum sem heimsóttu Ísland. Við vorum þegar búin að reka okkur á þetta og að þetta væri alls ekki í samræmi við okkar gildi og erum nú þegar að fjarlægja efnið af vefnum. Takk fyrir að vekja athygli á þessu, við kunnum virkilega að meta það.

Ljósmyndirnar eru ekki lengur inni á vef fyrirtækisins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Fáar beiðnir um fyrirtöku mála hjá Hæstarétti samþykktar

Fáar beiðnir um fyrirtöku mála hjá Hæstarétti samþykktar
Fréttir
Í gær

Fáar tilkynningar til lögreglu vegna gruns um refsivert athæfi lækna við útgáfu lyfseðla

Fáar tilkynningar til lögreglu vegna gruns um refsivert athæfi lækna við útgáfu lyfseðla
Fyrir 2 dögum

Spurning vikunnar: Hvað myndir þú gera ef þú ynnir milljarð í lottó?

Spurning vikunnar: Hvað myndir þú gera ef þú ynnir milljarð í lottó?
Fréttir
Fyrir 2 dögum

Þorsteinn Hjaltested er látinn

Þorsteinn Hjaltested er látinn