Um 1000 manns komu saman við Taksim torg í Istanbul um helgina til að taka þátt í árlegri gleðigöngu. Þetta er í fimmtánda sinn sem gleðigangan er haldin í Istanbul. Skipuleggjundur göngunar fengu ekki leyfi fyrir göngunni þetta árið og var lögreglunni skipað að stöðva hana. Þegar gengið var af stað mætti fólkinu sem tók þátt í göngunni nokkuð stór hópur af lögreglumönnum sem skutu táragasi á hópinn ásamt því að skjóta gúmmíkúlum á hópinn. Lögreglan handtók ellefu manns og eru mannréttindarsamtök í Tyrklandi að vinna í því að leysa þau úr haldi.
Á sama tíma í Ankara hafa yfirvöld bannað sýningu á myndinni Pride, sem fjallar um réttindi samkynhneigðra. Gefa yfirvöld upp þá ástæðu að möguleg öryggishætta gæti skapast vegna frumsýningar myndarinnar.
Mannréttindi hafa átt undir högg að sækja í Tyrklandi eftir að misheppnað valdarán átti sér stað árið 2016 sem leiddi af sér að neyðarlög voru sett í landinu. Samkvæmt Sameinuðu Þjóðunum hafa um 160.000 einstaklingar verið handteknir og eru 50.000 af þeim enþá í fangelsum landsins að bíða eftir réttarhöldum.