Viðar Marel Magnússon fékk 20.000 króna sekt fyrir að hafa stungið sér til sunds á nærbuxunum einum. Sundið synti hann 17 júní síðastliðinn um klukkan 18:00 í Hljómskálagarðinum og braut hann áfengislög með því að vera ölvaður á almannafæri samkvæmt kæru frá Lögreglustjóranum á Höfuðborgarsvæðinu. Í sektargerðinni segir: „Með því að hafa sökum ölvunar valdið hneykslan á almannafæri og opinberri samkomu í og við Reykjavíkurtjörn er hátíðarhöld 17. júní fóru fram, með því að hafa lagst til sunds í Reykjavíkurtjörn á nærbuxunum einum klæða svo fjöldi fólks, þar á meðal barna, varð vitni að háttseminni“. Mun þetta brot Viðars vera skráð á sakaskrá hans. Spurði Viðar fólk á spjallþráðum á Facebook hvort hann ætti að borga og hafa svörin verið margmismunandi og þau voru mörg. Hér að neðan má sjá sektargerðina.
