Lögreglan á höfuðborgarsvæðinu neyddist til að hefja eftirför eftir bíl sem hún hugðist stöðva við Langarima í Grafarvogi um klukkan sex í gærkvöldi. Eftirförinni lauk svo við Fannafold í Grafarvogi þar sem maðurinn var yfirbugaður og handtekinn. 

Ökumaður bílsins er grunaður um akstur undir áhrifum fíkniefna, of hraðan akstur, akstur án réttinda, að fara ekki eftir fyrirmælum lögreglu og broti á vopnalögum.

Lögreglan hefur haft í nægu að snúast undanfarnar helgar en fjölmargir ökumenn hafa verið stöðvaðir fyrir ölvunar- og fíkniefnaakstur á höfuðborgarsvæðinu. Um síðustu helgi voru t.a.m. þrjátíu og átta ökumenn teknir fyrir þessar sakir. Þrjátíu og einn var stöðvaður í Reykjavík, þrír í Kópvogi og Hafnarfirði og einn í Garðabæ.