Nú fyrir stuttu vor björgunarsveitir á Suðurlandi kallaðar út vegna göngumanns sem slasaði sig á gönguleiðinni í Reykjadal ofan Hveragerðis. Ekki er um alvarlega áverka að ræða en viðkomandi er þó ekki göngufær. Björgunarsveitarfólk er á leið á staðinn og mun búa um áverkann og bera viðkomandi til byggða.
Nokkuð hefur verið um útköll hjá björgunarsveitum síðasta sólarhringinn.
Björgunarsveitin Hérað á Egilsstöðum sótti í gærkvöldi slasaðan göngumann í Geldingafellsskála norðaustan við Vatnajökul. Ekki var um alvarlega áverka að ræða en viðkomandi þó ekki göngufær. Um talsverða vegalengd er að ræða og komu björgunarmenn því ekki með viðkomandi til byggða fyrr en snemma morguns.
Björgunarsveitin Þingey fór í gærkvöldi og aðstoðaði ferðalanga sem fest höfðu bíl sinn stutt frá Réttartorfu við Sprengisandsleið. Ekkert amaði að þeim en þeir voru inn í bílnum út í miðri á er björgunarmenn komu að þeim. Var bíllinn dregin upp úr ánni og á þurrt.
Björgunarsveitir á hálendisvakt hafa einnig síðasta sólarhringinn sinnt nokkrum ferðalöngum sem fest hafa bíla sína í straumvatni eða drullu. Rétt er að benda á að í rigningatíð geta ár breyst hratt og því ætíð betra að leita upplýsinga um aðstæður áður en lagt er af stað.