Í vikunni birti DV stutta frétt um mynd sem umhverfissinninn og leiðsögumaðurinn Ingólfur Páll Matthíasson tók af ruslagámi við verslun Krónunnar. Þar sem mátti sjá gríðarlegt magn af matvöru sem átti að farga. Ingólfur sagðist túlka troðfulla gámanna sem móðgun. „Þetta er móðgun við fátækt fólk, þetta er móðgun við afurðir bænda og þetta er mikil móðgun við umhverfið en eins og sjá má á myndinni er plast utan um þetta allt,“ sagði Ingólfur. Fjölmargir tóku undir orð Ingólfs í athugasemdakerfi fréttarinnar.
Ljósmyndari DV fór á stúfana í kjölfarið og kíkti í ruslagáma nokkurra vel valinna verslana á höfuðborgarsvæðinu. Þetta var það sem blasti við.
