Það tilkynnist hér með að DV hefur hafið innreið sína á samfélagsmiðilinn Instagram. Það er vissulega um svipað leyti og ömmur og afar eru að uppgötva miðilinn en betra er seint en aldrei. Notendanafn miðilsins er dvfrettir og er meðal annars ætlunin að birta þar fimm helstu fréttir dagsins auk þess sem ýmsar óvæntar en ávallt skemmtilegar uppákomur verða á döfinni. Með tíð og tíma mun fylgjendum gefast kostur á að fá innsýn á bak við tjöldin hjá miðlinum og fá öðruvísi en kannski ferskari sýn á fréttamál líðandi stundar. Verkefnið verður í stöðugri þróun og því eru dyrnar ávallt opnar fyrir lesendum með ferskar og skemmtilegar hugmyndir.