Vefurinn The Sun greinir meðal annars frá þessu en þar segir að drengnum hafi tekist með undraverðum hætti að koma snúrunni fyrir í þvagrásinni, en þar festist hún síðan í hnút í kringum þvagblöðruna.
Atvikið vatt upp á sig vegna forvitni piltsins og hafði hann ekki hugmynd um skaðann sem 20 sentímetra snúran gæti valdið. Þegar foreldrar drengsins fluttu hann á sjúkrahús reyndu þeir að ná snúrunni út með aðstoð sleipiefna. Sú lausn reyndist ekki vera árangursrík og þurfti að flytja drenginn á annað sjúkrahús þar sem beið hans skurðaðgerð.
Drengurinn var útskrifaður af spítalanum tveimur vikum síðar og heilsast honum vel í dag.