Nokkur mál rötuðu inn á borð lögreglu í nótt. Það alvarlegasta átti sér stað á fjórða tímanum í Eskihlíð. Þar réðst karlmaður á konu við Konukot. Konukot er athvarf á vegum Rauða krossins og er neyðarathvarf fyrir heimilislausar konur.
Maðurinn var í annarlegu ástandi að sögn lögreglu. Var maðurinn handtekinn og vistaður í fangageymslu vegna rannsóknar málsins.
