Fótboltamaður var boðaður á fund stjórnar félags síns hér á landi þar sem grunur lék á að hann hafi gerst sekur um heimilisofbeldi. Nágrannar mannsins létu félagið vita því svo mikill hávaði kom úr íbúð hans. Voru nágrannarnir slegnir óhug yfir þeim hrópum og óhljóðum sem bárust úr íbúð íslenska knattspyrnumannsins. Hann reyndist þó saklaus af því að berja konuna sína því hljóðin voru kynlífsstunur.

Benedikt Bóas, blaðamaður Fréttablaðsins, greinir frá þessu en hvorki fylgir nafn mannsins né félag hans í fréttinni.

„Maðurinn var bara að stunda kynlíf,“ segir stjórnarmaður íþróttafélagsins. Líkt og fyrr segir þá óttuðust nágrannar að hljóðin sem bárust úr íbúðinni að kvöldi til væru ofbeldi. Leikmaðurinn sagði að hljóðin væru frygðarstunur.

Fréttablaðið lýsir þessu svo: „Rúmið lamdist fast í vegginn, stunurnar voru háværar og úthaldið var slíkt hjá leikmanninum að nágrannarnir trúðu vart sínum eigin eyrum. „Ég var aðeins að stunda kynlíf,“ sagði leikmaðurinn á fundinum samkvæmt stjórnarmanninum og gátu stjórnarmenn lítið annað en brosað út í annað. Honum var því sleppt með áminningu gegn loforði um að festa rúmið og minnka stunurnar – til að fullnægja kröfum nágrannanna.“