Ekki sér fyrir endann á hinu ömurlega veðri sem hefur lagst þungt á sál höfuðborgarbúa í sumar. Á Vísi var greint frá því í morgun að Fellibylurinn Chris, sé nú staddur vestur af Norður-Karólínu. Spár gefa vísbendingar um að leifar af þeim fellibyl nái til Íslands á sunnudag. Ef leifarnar koma að suðurströndinni eins og líkur eru á fáum við hraustlegan skammt af rigningu og roki.

Til að bæta gráu ofan á svart, þá var búið að spá sólskini á Suðvesturhorninu á mánudag. Veðurfræðingar hafa dregið þá spá til baka, bæði þeir norsku og íslensku. Hvað fáum við í staðinn fyrir sólina? Jú, auðvitað áframhaldandi rigningu líkt og sjá má á mynd hér að ofan.