Klukkan 3 í nótt, að íslenskum tíma, héldu 19 kafarar inn í Tham Luang hellinn í Taílandi til að sækja fjóra fótboltastráka og 25 ára þjálfara þeirra en þeir hafa setið þar fastir í rúmlega tvær vikur. Aðgerðir gengu eins og í sögu og nú er búið að koma öllum hópnum út. Það er Sky sem greinir frá þessu. 

Átta strákum var bjargað úr hellinum í gær og fyrradag og dveljast þeir nú á sjúkrahúsi og jafna sig eftir þessa erfiðu dvöl í hellinum. Hópnum sem bjargað var í dag var einnig komið á sjúkrahús. Þar verður strákunum haldið í einangrun sökum sýkingarhættu en ekki er búið að ákveða hvenær þeir fá að hitta ástvini.

Fréttin verður uppfærð