Skömmu fyrir miðnætti í gærkvöld hafði lögreglan afskipti af ungum manni við heimili sitt í Austurborginni. Tilkynnt hafði verið um manninn að ganga um götuna með kylfu í hendi. Maðurinn var í annarlegu ástandi, íklæddur lögreglufatnaði með tækjabelti og kylfu. Fatnaður og búnaður var haldlagt.
Þetta kemur fram í dagbók lögreglunnar. Þar segir einnig frá því að upp úr klukkan fimm í gærdag var maður handtekinn í Hlíðahverfi, grunaður um hótanir og brot á vopnalögum. Maðurinn var vistaður fyrir rannsókn málsins í fangageymslu lögreglu.
Um kvöldmatarleytið í gær var bíl ekið á vinnuvél á Reykjanesbraut norðan við Arnarnesveg. Ökumaðurinn er grunaður um akstur undir áhrifum fíkniefna.
Bílvelta varð laust fyrir klukkan eitt í nótt við Vesturhóla. Engin meiðsl urðu á fólki en par var handtekið á vettvangi grunað um akstur undir áhrifum áfengis eða fíkniefna. Parið var vistað í fangageymslu fyrir rannsókn málsins. Bíllinn var fluttur af vettvangi með dráttarbíl.
Eldur kviknaði í bíl í Hraunbæ á fjórða tímanum í nótt. Lögregla og slökkviðlið voru kölluð á vettvang en ekki er vitað um eldsupptök. u lögreglu.
