Lögreglan á Norðurlandi vestra sendi í dag frá sér yfirlýsingu á Facebook þar sem hún biðlar til Skagfirðinga og nærsveitunga að hafa varann á sér og læsa bæði húsum sínum og bílum.
Ástæðan er sú að farið var inn á heimili á Sauðárkróki þar sem miklum verðmætum var stolið. „Lögreglan er byrjuð að rannsaka málið en biður fólk um að hafa varann á sér og sjá til þess að hús og bílar séu læst. Eins viljum við biðja fólk um að láta lögreglu vita verði það vart við grunsamlegar mannaferðir í kringum heimili fólks,“ segir í yfirlýsingunni.
https://www.facebook.com/logr.nv/posts/1731714740197250
